सुनाखरी न्युज/ काठमाडौं । काठमाडौं उपत्यका स्थित माईतीघर हुँदै सञ्चालन हुने सवारी साधन पुर्ण रुपमा प्रभावित भएका छन् । मण्डला वरपर मानिसहरू भेला जम्मा भएका कारण बबरमहल, सिंहदरबार र थापाथलीबाट माइतीघर चोक तर्फ जाने सवारी साधन प्रभावित भएको हो ।

सवारी आवामनलाई सहज बनाउन ट्राफिक प्रहरीले ठुला सवारी साधनलाई रिंङरोडको गौशाला, तीनकुने, महाराजगञ्ज, कलंकी, बल्खु, सातदोबाटोबाट डाईभर्सन गरिएको छ । यस्तै साना सवारी साधनलाई पनि हनुमानस्थान, नयाँबानेश्वर, थापाथली, भद्रकाली, पद्मोदयमोड, कृष्णपाउरोटी र घण्टाघरबाट सवारी साधनलाई डाईभर्सन गरेको छ ।

डाइभर्सनका कारण नयाँबानेश्वर पानीट्याङकी,, बिजुलीबजार, हनुमानस्थान, अनामनगर, शान्तीनगर, बुद्वनगर, तीनकुने गैह्रिगाँउ, पुरानोबानेश्वर, कुपण्डोल, सोह्रखुट्टे, जयनेपाल, कृष्ण पाउरोटी थापाथली, त्रिपुरेश्वर, भद्रकाली, पुतलीसडक, डिल्लीबजार, गौशाला, सिनामंगल, कोटेश्वर र लोकन्थली हुँदै चल्ने सवारी साधन निकै चापमा चलिरहेका छन् । सहज यात्राका लागि पैदलयात्री तथा सवारी चालकलाई अन्य वैकल्पिक मार्ग प्रयोग गर्न ट्राफिक प्रहरीले आग्रह गरेको छ ।