सुनाखरी न्युज / काठमाडौं ।

नेदरल्यान्ड्सको रोटरडम शहरमा एक व्यक्तीले दुई ठाउँमा अन्धाुधन्द गोली चलाएर तिन जनाको हत्या गरेका छन ।नेदरल्याण्ड्सको रोटरडम शहरमा एक व्यक्तिले अन्धाधुन्ध गोली चलाउँदा तीनजना मारिएका छन् ।

मारिनेमा ३९ वर्षीया महिला, उनी १४ वर्षकी छोरी र ४३ वर्षीय एक प्राध्यापक छन् ।सञ्चारमाध्यमका अनुसार राजधानी एम्स्टर्डमबाट ८० किलोमिटर टाढा रहेको रोटरडमको एउटा फ्ल्याटमा ३२ वर्षीय बन्दुकधारीले गोली चलाएर आमा–छोरीको हत्या गरेका थिए ।

त्यसपछि उनी नजिकैको स्वास्थ्य केन्द्र इरास्मस मेडिकल सेन्टरमा प्रवेश गरेर अर्का एक व्यक्तिको हत्या गरेका थिए । प्रहरीले गोली चलाउने बन्दुकधारीलाई नियन्त्रणमा लिएर छानविन अघि बढाएको छ । उनी सोही अस्पतालसँग सम्बद्ध इरास्मस विश्वविद्यालयका विद्यार्थी रहेको अन्तर्राष्ट्रिय सञ्चार माध्यमले जनाएका छन ।एजेन्सी