सुनाखरी न्युज / काठमाडौं ।
रुसले अन्य ब्रिक्स सदस्य देशहरूसँग वित्तीय सन्देशहरू प्रसारण गर्न राष्ट्रिय प्रणालीको अन्तरक्रियाबारे छलफल अगाडि बढाएको छ । देशको केन्द्रीय बैंकका गभर्नर एल्भिरा नाबिउलिनाले मङ्गलबार यस बारे जानकारी दिनु भएको हो।

“रुससँग वित्तीय सन्देशहरू (एसएपएफएस) प्रसारण गर्ने प्रणाली छ जुन स्वीफ्टको विकल्प पनि हो।अन्य केही देशहरूमा पनि यस्तै पूर्वाधारहरू विकास गरिएका छन्। हामी त्यस्ता प्लेटफर्महरूको अन्तरक्रियामा छलफल गरिरहेका छौं तर यहाँ हाम्रा साझेदारहरूको चासो र प्राविधिक तत्परता महत्त्वपूर्ण छ,” नाबिउलिनाले भन्नुभयो ।

उहाँले २० देशका १५९ विदेशी सहभागीहरू यस अघि नै रुसी प्रणालीमा सामेल भइसकेका छन्।एसएपएफएसको बैंक अफ रसियाले स्वीफ्टबाट रूसी बैंकहरूको सम्भावित विच्छेदनका जोखिमहरूलाई कम गर्न सिर्जना गरेको थियो।

यो सूचना पठाउने र भुक्तानी गर्ने अन्तरराष्ट्रिय अन्तरबैंक प्रणाली हो जसले विश्वका लगभग हरेक देशमा ११ हजार भन्दा बढी संस्थाहरूलाई जोडेको छ ।  रासस/ सिन्ह्वा