सुनाखरी न्युज/ काठमाडौं ।

झापाको मेचीनगर नगरपालिकामा रहेको प्लाइउड उद्योग भगवती लेमिनेट्स प्रा.लिमा आगलागी भएको छ ।मेचीनगर नगरपालिका वडा नम्बर १५ ज्यामिरगढीस्थित भगवती प्लाइउड उद्योगमा सोमबार बिहान ५ बजे अघिबाट सुरू भएको आगलागी अझै नियन्त्रणमा आउन नसकेको हो।

८ घण्टा बढी भइसक्दा पनि आगलागी नियन्त्रणमा लिन सकिएको छैन। झापाका सबै नगरपालिका, मोरङ, इलाममा रहेका एक दर्जन बढी दमकलहरू ल्याएर आगो नियन्त्रणमा लिने प्रयास भइरहेको हो।

त्यतिबाट पनि नपुगेपछि भारतको नक्सलबारीबाट पनि दमकल झिकाइएको छ।आगलागीको कारण खुलेको छैन ।भगवती नेपालकै ठूलो दाबी गरिएको प्लाइउड उद्योग हो ।