सुनाखरी न्युज/ काठमाडौं।

भारतीय सेनाका लेफ्टिनेन्ट जनरल प्रदीपचन्द्रननायर एके सिंह, पीभीएसएम, एभीएसएम, वाइएसएम, पीएचडी, डीजी असम राइफल्स नेपालको औपचारिक भ्रमणका लागि मिति २०८० चैत्र २६ गते काठमाडौं आइपुगेका हुन्  । वहाँलाई स्वागत गर्न नेपालका लागि भारतीय रक्षा सहचरी कर्णेल अमितकुमार शर्मा त्रिभुवन अन्तर्राष्ट्रिय विमानस्थल पुगेका थिए ।

आफ्नो पाँच दिने भ्रमणका दौरान लेफ्टिनेन्ट जनरल प्रदीप चन्द्रननायरले भारतीय गोर्खा सैनिक निवास, पेन्सन भुक्तानी कार्यालय, पोखरा र पेन्सन भुक्तानी कार्यालय, धरानको भ्रमण गर्नुभयो साथै काठमाडौं, पोखरा र धरानमा नेपालमा बसोबास गरिरहेका भूतपूर्व गोर्खा सैनिक सम्मिलत ¥यालीलाई सम्बोधन गरेका थिए ।

वहाँले गोर्खा सैनिकको बहादुरीको प्रशंसा गर्दै उनीहरुको साहस र राष्ट्रप्रति देखाएको समर्पित भावको कदर गरेका थिए । भूतपूर्व वीर गोर्खा सैनिकको अमूल्य त्याग एवम् बलिदानीको स्मरण गर्दै लेफ्टिनेन्ट जनरल प्रदीप चन्द्रननायरले गोर्खा सैनिकको कल्याणका लागिअसम राइफल्स, भारतीय सेना तथा भारत सरकार सदैव प्रतिबद्घ रहने कुरा बताए ।लेफ्टिनेन्ट जनरल प्रदीप चन्द्रननायरलेकाठमाडौंस्थित भारतीय राजदूतावासमा नेपालका लागि भारतीय राजदूत महामहिम नवीन श्रीवास्तवसँग भेटवार्ता गरे ।

वहाँले नेपाली सेनाको मुख्यालयजङ्गी अड्डामा नेपाली सेनाका प्रधानसेनापति महारथी प्रभुराम शर्मासँग शिष्टाचार भेटवार्ता गरेका थिए । वहाँले दुई देशको द्विपक्षीय सम्बन्धलाई सुदृढ गर्न भारतीय राजदूतावासका रक्षा प्रभागका कर्मचारीले खेल्दै आएको कुशल व्यावसायिक भूमिकाको प्रशंसा गरे ।