सुनाखरी न्युज/ काठमाडौं ।

बलिउडमा अब बिहे गर्ने पालो श्रद्धा कपूरको आएको छ । सामाजिक सञ्जालमा पनि अभिनेत्री निकै सक्रिय छिन् र आफ्ना फ्यानहरूसँग आफ्नो जीवनका अपडेटहरू सेयर गरिरहन्छिन् । श्रद्धा केही समयदेखि आफ्नो व्यक्तिगत जीवनलाई लिएर चर्चामा छिन् । रिपोर्टका अनुसार अभिनेत्री लेखक राहुल मोदीसँग सम्बन्धमा छिन् । तर यसपटक श्रद्धाले एक पोस्ट गरेर उनीहरुको सम्बन्धलाई थप हावा दिएको छ ।

वास्तवमा यी तस्विरमा श्रद्धा आराम गरिरहेको देखिएकी छिन् । अभिनेत्रीले लेभेन्डर कलरको नाइट सूट लगाएकी छिन् । यससँगै नायिकाले घाँटीमा क्यापिटल ‘आर’ लेखिएको लकेट लगाएकी छिन्, जसले सबैको ध्यान तानेको छ । अब यो पेन्डेन्टलाई हेर्दा अभिनेत्रीले राहुल मोदीको नामको पेन्डेन्ट लगाएकी छिन् । यद्यपि, श्रद्धाले क्याप्शनमा राहुल मोदीको उल्लेख गरेकी छैनन् न त उनले अहिलेसम्म उनीहरुको सम्बन्धबारे कुनै प्रतिक्रिया दिएकी छिन् । श्रद्धा कपुर र राहुल मोदी धेरै पटक सँगै देखिएका छन् । हालै उनीहरु दुवैलाई अनन्त अम्बानी र राधिका मर्चेन्टको प्रि-वेडिङमा जामनगरमा सँगै देखिएका थिए । यद्यपी दुवैले मिडियामा खुलेर पोज दिएका छैनन् ।

भारतीय सञ्चारमाध्यम पत्रिकाको अनुसार उनले आफ्नो प्रेमी राहुल मोदीसँग विवाह गर्न लागेकी हुन्। राहुलले ुतू झूठी मैं मक्कारु को स्क्रिप्ट लेखेका थिए। उनी सहायक निर्देशक समेत हुन्। श्रद्धा र राहुल प्राय एकसाथ देखिन्छन्।यसपछि उनीहरूको विवाहको खबर बाहिरिएको हो। तर यस विषयमा श्रद्धा र राहुलले कुनै प्रतिक्रिया दिएका छैनन्।