सुनाखरी न्युज/ काठमाडौं ।

नेपालको लागि टिभिएसको आधिकारिक वितरक कम्पनी जगदम्बा मोटर्सले आफ्ना ग्राहकहरूका लागि ‘च्याम्पियन्स एक्सचेन्ज’अभियान सार्वजनिक गरेको छ । ग्राहकहरूलाई असाधारण डिलहरू र सवारी अपग्रेड गर्ने मौका प्रदान गर्दै यो अभियान जेठ १४ देखि जेठ १९ गते सम्म चल्ने कम्पनीले जनाए ।

’च्याम्पियन्स एक्सचेन्ज’अभियानले स्मार्ट कनेक्ट,RT-Fi, BS-VI राइड मोडहरू, र GTT(ग्लाइड थ्रु ट्राफिक) जस्ता नवीनतम प्रविधिहरूले सुसज्जित टिभिएस मोटरसाइकल मोडलहरूमा रोमाञ्चक लाभहरू प्रदान गर्दछ। यी सुविधाहरूले सवारी चलाउने अनुभव, सुधारिएको प्रदर्शन र उच्च इन्धन दक्षता सुनिश्चित गर्दछ।

यस सीमित अवधिको अभियानमा ग्राहकहरूले टिभिएसका बाईक तथा स्कुटरको खरिदमा रु. ६,०००/-सम्मको क्यास डिस्काउन्टका साथै, पुरानो मोटरसाइकलमा रु. ६,०००/- सम्मको थप मूल्याङ्कन र यी प्रस्तावहरूलाई अझ पहुँच योग्य बनाउन जगदम्बा मोटर्सले बजारकै सबैभन्दाकम रु. ३,९९९/-प्रति महिनाको EMIपनि उपलब्ध गराएको छ। साथै, ग्राहकहरूले हेल्मेट, बाइक कभर र ब्याग लगायत निःशुल्क सामग्री पनि प्राप्त गर्न सकिने बताए ।