सुनाखरी न्युज/ काठमाडौं ।

राष्ट्रिय स्वतन्त्र पार्टी (रास्वपा) ले स्थापनाको दोस्रो वर्षगाँठका अवसरमा शुक्रबार चियापन गरेको छ । केन्द्रीय कार्यालय वनस्थलीमा गरिएको चियापानमा प्रमुख राजनीतिक दलका शीर्ष नेता कार्यकर्ता, मन्त्री, र नेपाल सरकारका उच्च पदस्थ पदाधिकारीहरूले सहभागिता जनाए ।

चियापानमा सबैभन्दा पछि पुगेका थिए नेकपा एमालेका अध्यक्ष केपी शर्मा ओली । चियापानकै अवसरमा रास्वपाले नेपाली उत्पादनका विभिन्न स्टलहरु राखेको थियो । ती स्टलहरूको पूर्वप्रधानमन्त्री समेत रहेका ओलीले चासोपूर्वक अवलोकन गरेका छन् ।

त्यसक्रममा अध्यक्ष ओलीलाई भाङ्ग्रो, अल्लो लगायतबाट बनाइएका कपडा उपहार दिइएको छ । त्यस्तै नेपाली उत्पादन च्याउ समेत ओलीलाई उपहार दिइएको थियो । त्यस्तै अध्यक्ष ओलीले केहीबेर स्टलमा राखिएको कपडा बुन्ने तान चलाएका थिए ।