सुनाखरी न्युज/ काठमाडौं ।

भक्तपुरको दधिकोटमा २ करोड रुपैयाँ लुटपाटमा संलग्न भएको आरोपमा चार जना पक्राउ परेका छन् ।काठमाडौं उपत्यका अपराध अनुसन्धान कार्यालयको टोलीले सुजन रसाइली, भीम तामाङ, मुनाराज राई, कृष्णबहादुर बोहरालाई पक्राउ गरेको हो ।

दधिकोटका डिल्ली राउतको घरमा ४ असारमा लुटपाट भएको थियो । ३८ वर्षीय कृष्णबहादुर बोहोरा महाराजगञ्जबाट पक्राउ गरिएको हो। उनी महाराजगञ्जस्थित प्रहरी गणमा कार्यरत प्रहरी हवल्दारसमेत हुन्।

गत असार ४ गते भक्तपुर सूर्यविनायक- ४ दधिकोट बस्ने ४५ वर्षीय डिल्लीबहादुर राउतको घरबाट उनीहरूले दुई करोड नेपाली रकम लुटेको आरोप छ।मुख्य योजनाकार भनिएका व्यक्ति कुलबहादुर खत्री भने फरार छन् ।उनी डिल्ली राउतका मामासमेत हुन् ।जिल्ला प्रहरी परिसर भक्तपुरले यस घटनाको थप अनुसन्धान अघि बढाएको छ।