सुनाखरी न्युज/ काठमाडौं ।

आज शुक्रबारबाट फिल्म ‘घरज्वाँइ’ प्रदर्शनमा आएको छ । फ्राइडे रिलिजको परम्परा धान्दै प्रदर्शनमा आएको यो फिल्मले देशभर एकल प्रदर्शन अवसर पाएको हो ।अभिनेता दयाहाङ राई र अभिनेत्री मिरुना मगरको मुख्य भूमिका रहेको फिल्मले देशभर राम्रो शो पाएको छ ।

देशकै ठुलो मल्टीप्लेक्स चेनले काठमाडौँमा २१ तथा मोफलसलमा ३७ शो दिएको फिल्मलाई दोस्रो ठुलो चेन आईएनआईले आफ्नो तीनवटा स्टेसनमा गरी १२ शोज तथा तेस्रो ठुलो चेन वान् सिनमाज्ले नयाँ बानेश्वर र कालिमाटीले गरी कूल ९ शोज दिएको छ ।

फिल्मले काठमाडौँका बिग मुभिज, एफक्युब, बिएसआर, विश्वज्योति सिनेमाज्, रञ्जना सिनेप्लेक्स, सिके सिनेमाज्, कीर्तिपुर सिनेमाज् जस्ता मल्टीप्लेक्सहरुमा पनि राम्रो शो पाएको छ । सरसर्ती हेर्दा फिल्मले देशभर डेढ सय हाराहारी शो पाएको छ ।

अनिल बुढामगर निर्देशित फिल्म पूर्वी रुकुमका विभिन्न रमणीय स्थानमा छायाङ्कन भएको छ ।फिल्ममा दयाहाङ र मिरुनाका अलावा बुद्धि तामाङ, पुष्कर गुरुङ, शिशिर बाङ्देल, भोलाराज सापकोटा, खड्कबहादुर पुन (खबपु), राज थापा, कविता आले, शिला आले, अनु थापा, बिना थापा मगर, सोनाम लामा, विवेश बुढा मगर, सुनिल मगरले अभिनय छ ।