सुनाखरी न्युज / काठमाडौं ।

नेपाल कर्मस क्याम्पसका प्राध्यापक धर्मराज विष्ट हत्यामा संलग्न भएको आरोपमा थप केही व्यक्ति पक्राउ परेका छन् ।ललितपुरको इमाडोल घर भएका प्राध्यापक धर्मराज विष्टको हत्या आरोपमा फरार रहेका ३९ वर्षीय रञ्जन खड्कालाई काठमाडौं उपत्यका अपराध अनुसन्धान कार्यालयको टोलीले पक्राउ गरेको हो ।

२०६४ असार २६ मा ललितपुरको शंखमूलमा विष्टलाई कुटपिट भएको थियो। कुटपिटबाट घाइते भएका विष्टको उपचारको क्रममा मृत्यु भएको थियो। तत्कालीन समयमा विष्टले एक युवतीलाई मन पराएको विषयलाई लिएर युवाहरूले कुटपिट गरेका थिए ।

कुटपिटमा खड्का, राजीव पाण्डे र विनोद थापा संलग्न रहेको प्रहरीले जनाएको छ। पाण्डे र थापा भने हाल धरौटीमा छुटिसकेका छन् ।