सुनाखरी न्युज/ काठमाडौं ।
ललितपुर सुनचाँदी ब्यवसायी संघको आयोजनामा ललितपुर सुनचाँदी ब्यवसायी संघ संस्थापक अध्यक्ष स्व. ज्ञानुराज शाक्य स्मृति भवनको समुद्घाटन तथा नेपाल सुनचाँदी ब्यवसायी महासंघका नवनिर्वाचित कार्य समिति परिवारलाई बधाई ज्ञापन एवं शुभकामना तथा सम्मान कार्यक्रम २०८१ सम्पन्न भएको छ । संघका अध्यक्ष सुविन बज्राचार्यको सभापतित्वमा ललितपुरको तःवहालमा २०८१ साउन १९ गते शनिबार सो कार्यक्रम सम्पन्न भएको हो ।

नेपाल सुनचाँदी ब्यवसायी महासंघका अध्यक्ष अर्जुन रसाइलीको बिशेष आतिथ्यतामा सम्पन्न सो

कार्यक्रममा महासंघको हालै सम्पन्न चौथो अधिवेशनवाट निर्वाचित कार्य समितिलाई सम्मान तथा कदरपत्र प्रदान गरिएको थियो ।
त्यसअघि आयोजित एक कार्यक्रममा वागमति प्रदेश सरकारका श्रम, रोजगार तथा यातायात मन्त्री प्रेमभक्त महर्जनले संघको नवनिर्मित भवनको उद्घाटन गर्नुभएको थियो । कार्यक्रममा संघको भवन निर्माणमा सहयोग पु¥याउने बिभिन्न ब्यक्ति तथा संस्थाहरुलाई सम्मान गरिएको थियो ।