सुनाखरी न्युज/ काठमाडौं ।

नेपाल पत्रकार महासङ्घका केन्द्रीय सदस्य वासुदेव शर्मा ( बविन) लाई पितृशोक परेको छ ।

उहाँका पिता लीलाध्वज स्वारको भक्तपुर दुवाकोटस्थित आफ्नै निवासमा गए राति निधन भएको हो । लामो समयदेखि मेरुदण्डको पक्षघातबाट पीडित उहाँ ८१ वर्षका हुनुहुन्थ्यो ।

स्वर्गीय स्वारको आजै पशुपति आर्यघाटमा दाहसंस्कार गरियो । उहाँका शर्मासहित पाँच सन्तान हुनुहुन्छ । रासस