सुनाखरी न्युज/ काठमाडौं ।

काठमाडौंको नक्सालस्थित टेस्ला शोरूममा लागेको आगलागी नियन्त्रणमा आएको छ।शुक्रबार दिउँसो सवा १२ बजे काठमाडौं महानगरपालिका वडा नम्बर ५ स्थित नक्सालमा रहेको टेस्ला गाडीको शोरूममा लागेको आगलागी नियन्त्रणमा आएको हो।

आगलागीबाट भवनको पहिलो र दोस्रो तलामा क्षति पुगेपनि गाडीमा भने क्षति हुन नपाएको प्रहरीले जनाएको छ ।आगलागी भएको जानकारी आएपछि काठमाडौं महानगरपालिका र प्रहरी प्रधान कार्यालयको दमकल प्रयोग गरी निभाइएको हो।

क्षति विवरण भने आइसकेको छैन।आगलागीबारे प्रहरीले अनुसन्धान जारी राखेको बताएको छ ।