सुनाखरी न्युज/ काठमाडौं ।

तिहारको अवसर पारेर रिलिज हुन लागेको फिल्म ‘एक्टरः टेक वान’ को टिजर सार्वजनिक गरिएको छ।शुक्रबार सार्वजनिक १ मिनेट ३२ सेकेन्डको टिजरले फिल्मको कथावस्तुबारे केही संकेत गर्छ।टिजरमा अभिनेता प्रदीप खड्का घाइते अवस्थामा पानीभित्र तैरिरहेको देखिन्छन्।

फिल्ममा त्रिकोणात्मक प्रेमकथामा बनेको संकेत पाइन्छ। अन्य केही कलाकारहरूलाई भने टिजरमा प्रस्तुत गरिएको छैन। राजन भुसालको निर्देशन रहेको यो फिल्ममा दिव्य देव, सुशील सिटौला, उषा रजक, सिर्जना अधिकारी, अनोज पाण्डे, बादल भट्ट, प्रदीप कुमार चौधरी र देवेन्द्र नेपालको पनि अभिनय छ। दीलिप रायमाझीकी छोरी दिव्याको ‘एक्टर’ पहिलो फिल्म हो। राजबल्लभले यो फिल्मबाट लामो समयपछि कमब्याक गरेका हुन्।

थम्मन कुमार भण्डारी निर्माता रहेको यो फिल्मलाई आकाश बराल र राजन भुसालले संयुक्त रूपमा लेखेका हुन्। अदृत फिल्मस् र मोती फिल्मस्को संयुक्त प्रस्तुतिमा फिल्म बनेको हो। अनिश भुसाल यसको सह–निर्माता छन् भने मोती कार्की क्रियटिभ प्रोड्युसर हुन्।फिल्म कार्तिक १५ (लक्ष्मी पूजा) मा रिलिज हुनेछ।