सुनाखरी न्युज/ काठमाडौँ ।

नेपाली बजारमा सुनको मूल्यले नयाँ रेकर्ड बनाएको छ । नेपाल सुनचाँदी व्यवसायी महासंघका अनुसार साताको कारोबारको अन्तिम दिन शुक्रबार छापावाल सुनको मूल्य १ लाख ६१ हजार ३०० कायम हुँदै नयाँ रेकर्ड बनेको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा एक लाख ६१ हजार ३ सय रुपैयाँ रहेको छ । बिहीबार सुनको मूल्य तोलामा एक लाख ६० हजार ९ सय रुपैयाँ रहेको थियो ।

आज चाँदीको मूल्य पनि बढेको छ । बिहीबार प्रतितोला एक हजार ९५० रुपैयाँमा कारोबार भएको चाँदी आज प्रतितोला एक हजार ९८० रुपैयाँ कायम भएको महासंघले जनाएको छ ।