सुनाखरी न्युज/ काठमाडौँ ।

फूलपातिदेखि प्रदर्शनमा आउने जितु नेपाल र नीति शाह अभिनीत फिल्म ‘ज्वाइँ साब’ को ट्रेलर सार्वजनिक गरिएको छ। निर्माण पक्षले फिल्म रिलिजको एक साताअघि ल्याएको ट्रेलर रमाइलो र हास्यप्रधान छ।

नीतिको पात्रको श्रीमान बन्नका लागि प्रतियोगिता गरिएको र त्यसमा युवाहरूको भीड लागेको ट्रेलरमा देखाइएको छ।जितु र नीतिको बिहेदेखि त्रिभुवन विमानस्थलको दृश्यसम्म ट्रेलरमा देख्न सकिन्छ।

बसन्त निरौला निर्देशित यो फिल्ममा जितु र नीतिका साथमा हिमेश पन्त, बुद्धि तामाङ, प्रकाश घिमिरे, रमेश बुढाथोकी, शिशिर वाङ्देल, दीपक आचार्य ‘काकु’, निमा पाण्डे, कविता आले, शिबु पाण्डे लगायत कलाकारहरूको पनि अभिनय छ।असोज २४ गते बिहीबारदेखि फिल्म प्रदर्शनमा आउनेछ।