सुनाखरी न्युज/ काठमाडौं ।

नाजिर हुसेन र सृष्टि श्रेष्ठ स्टारर फिल्म ‘केटी हराएको सूचना’को दोस्रो टिजर सार्वजनिक भएको छ । पहिलोजस्तै दोस्रो टीजरले पनि प्रेम, द्वन्द्व र सम्बन्धको रहस्यलाई चित्रण गर्छ ।

यो फिल्मको अंग्रेजी नाम ‘मिसिङ’ राखिएको छ । तीन दशकअघि टेलिफिल्म ‘उजेली’ निर्देशन गरेका दीपेन्द्र गौचनको यो निर्देशकीय कमब्याक फिचर फिल्म हो ।

आफ्नै पटकथा रहेको फिल्मलाई गौचनले निर्माण गरेका हुन् । फिलममा संजय गुप्ता, रामनारायण ठाकुर, मदन ठाकुर, रीना रिमाल, कौशल्या ठाकुर, ललितादेवी मिश्र, रुपेश मण्डल, सुदीप पटेल, अनिल कुर्मी, मनोज शाह, अर्जुन पोखरेल र ओमप्रकाश कर्णको अभिनय छ । अमितेष शाह विशेष भूमिकामा छन् ।