सुनाखरी न्युज/ काठमाडौं ।

नेपाल इन्भेष्टमेण्ट मेगा बैंकले नेपालमा पहिलो पटक भिसा वेयरेबल स्टिकर,”NIMB पेवियर”को आधिकारिक रूपमा लोकार्पण गरेको छ। राजधानीको अलोफ्ट होटलमा आयोजित कार्यक्रममा ग्राहकहरूले कुनै पनि पीओएस टर्मिनलमा वेयरेबल उपकरण ट्याप गरी छिटो र सुरक्षित सम्पर्क रहित कारोबार गर्न सक्ने यो नयाँ प्रविधि सार्वजनिक गरियो। यस लोकार्पणले नेपालमा डिजिटल भुक्तानीको नयाँ युगको सुरुवात गरेको छ।

यस कार्यक्रममा पत्रकार र नेपाल इन्भेष्टमेण्ट मेगा बैंकका व्यवस्थापन सहभागी थिए। कार्यक्रममा बैंकले “NIMB पेवियर” कसरी दैनिक कारोबारलाई छिटो, सुविधाजनक र सुरक्षित बनाउने उद्देश्यले डिजाइन गरिएको छ भन्ने कुरा प्रस्तुत गरे। यसले ग्राहकहरूलाई भौतिक कार्डहरू वा मोबाइल वालेट बोक्न नपर्ने अर्को विकल्प प्रदान गर्छ।“NIMB पेवियर नेपालका लागि गेम–चेन्जर हो,” नेपाल इन्भेष्टमेण्ट मेगा बैंकका वरिष्ठ डेप्युटी सीईओ महेश शर्मा ढकालले भने।

“यो उत्पादनले हाम्रा ग्राहकहरूको भुक्तानी गर्ने तरिकालाई पूर्ण रूपले परिवर्तन गर्नेछ, उनीहरूलाई अतुलनीय सुविधा र गति प्रदान गर्दै उच्चतम सुरक्षा सुनिश्चित गर्नेछ। हामी नेपालमा पहिलो पटक यो प्रविधि प्रस्तुत गर्न पाउँदा उत्साहित छौं, जसले फेरि एकपटक नेपाल इन्भेष्टमेण्ट मेगा बैंकलाई डिजिटल नवप्रवर्तनमा अग्रणीको रूपमा स्थापित गर्नेछ।”

नवीनतम भुक्तानी समाधान र थप सुरक्षा
NIMB पेवियरले ग्राहकहरूलाई आफ्नो घडी, की–चेन, फोन केसजस्ता कुनै पनि व्यक्तिगत वस्तुमा वेयरेबल स्टिकर टाँस्न अनुमति दिन्छ, जसले यसलाई धेरै बहुउपयोगी र सुविधाजनक बनाउँछ। ग्राहकहरूले कुनै पनि सम्पर्करहित पीओएस टर्मिनलमा उपकरण ट्याप गरेर छिटो र सुरक्षित दैनिक कारोबार गर्न सकिने बैंकले जनाएको छ।नेपाल राष्ट्र बैंकका नियमहरूको पालना गर्दै, ५,००० रुपैयाँभन्दा माथिका सम्पर्करहित भुक्तानीमा अतिरिक्त सुरक्षा उपायको रूपमा पिनको आवश्यकता पर्छ।

प्रारम्भिक ग्राहकहरूका लागि विशेष प्रचार प्रस्ताव
लोकार्पणको उत्सव मनाउन नेपाल इन्भेष्टमेण्ट मेगा बैंकले एक विशेष प्रचार प्रस्ताव घोषणा गरेको छ। तीन महिनाभित्र NIMB पेवियर स्टिकरको लागि आवेदन दिने र यसलाई सक्रिय गर्ने ग्राहकहरूले सो अवधिमा १२ वटा पीओएस कारोबार पूरा गरेपछि, आफ्नो वेयरेबल शुल्क (एनपीआर १,०००) फिर्ता पाउनेछन्। यो सीमित समयको प्रस्तावले ग्राहकहरूलाई यो नयाँ भुक्तानी विधिको अनुभव गर्न प्रेरित गर्दछ, साथसाथै शुल्क फिर्ताको अतिरिक्त लाभ पनि प्राप्त गर्छन्।

नेपाल इन्भेष्टमेण्ट मेगा बैंकलाई बजारको अग्रणी स्थानमा पुर्याउने रणनीति
ल्क्ष्ःद्य पेवियरको परिचयले बैंकलाई प्रविधि–प्रेमी ग्राहकहरूलाई आकर्षित गर्न र आफ्नो उत्पादन श्रृंखला विस्तार गर्न रणनीतिक कदम प्रस्तुत गर्छ। यो आधुनिक भुक्तानी समाधानलाई अपनाएर, नेपाल इन्भेष्टमेण्ट मेगा बैंकले आफूलाई प्रतिस्पर्धीहरूभन्दा फरक बनाउन र नेपालको बैंकिङ क्षेत्रमा उद्योगको अग्रणीको रूपमा आफ्नो स्थिति सुदृढ गर्ने लक्ष्य राखेको बैंकको भनाइ छ।

नेपालको बैंकिङ क्षेत्रको अग्रणी इतिहास
नेपाल इन्भेष्टमेण्ट मेगा बैंक लामो समयदेखि नेपालका बैंकिङ उद्योगमा नवप्रवर्तनको अगुवाइ गर्दै आएको छ। सन् २००३ मा, बैंकले नेपालमा पहिलो पटक भिसा इलेक्ट्रोन डेबिट कार्ड जारी गरेको थियो, र भिसा कन्सोर्टियम र राष्ट्रिय भुक्तानी नेटवर्क (एनपीएन) मार्फत कार्ड सेवाहरूलाई प्रवद्र्धन गर्दै आएको छ।