सुनाखरी न्युज/ काठमाडौं ।

लोकप्रिय क्राइम ड्रामा सिरिज सीआईडी सानो पर्दामा फर्कँदैछ। सोनी टिभीको इन्स्टाग्राम पेजमा सीआईडीको टिजर रिलिज भएको छ, जसलाई हेरेर सबै उत्साहित भएका छन् ।

सीआईडी टिभीमा प्रसारण हुने सबैभन्दा लामो क्राइम ड्रामा शो हो। सोनी टिभीले सेयर गरेको प्रोमोको क्याप्सनमा लेखिएको छ- ‘आफ्नो क्यालेन्डरमा चिन्ह लगाउनुहोस्, २६ अक्टोबरमा एक विस्फोटक प्रोमो ड्रप हुनेछ।’

सीआईडी सन् २०१८ सम्म टिभीमा चलेको थियो। सन् १९९८ देखि यो टिभीमा लगातार आइरहेको थियो । यो २० वर्षमा शो प्रशंसकबिच लोकप्रिय रह्यो।लामो ब्रेकपछि राम्रो स्क्रिप्ट तयार भएको छ । कलाकार पनि उस्तै रहनेछन् ।शो डिसेम्बरदेखि क्रिसमसको अवसरमा टिभीमा प्रसारण सुरु हुने बताइएको छ ।