सुनाखरी न्युज/ काठमाडौं ।

अभिनेता केदार घिमिरे ‘माग्नेबुढा’ निर्देशक ऋषि लामिछानेको नयाँ फिल्ममा भित्रिएका छन् । फिल्म अभिनयका विषयमा बिहीबार केदार र निर्देशक लामिछानेबिच कागजी सम्झौता भएको हो । फिल्मको शीर्ष भूमिकामा केदार भित्रिएका हुन् ।

आगामी माघ दोस्रो साताबाट छायाङ्कनको तयारी गरिएको फिल्मको नाम भने सार्वजनिक गरिएको छैन ।सामीप्यराज तिमल्सिनाको स्क्रिप्ट लेखन रहेको यो फिल्मबाट निर्देशक लामिछानेले ८ वर्षपछि कमब्याक गर्न लागेका हुन् ।

ऋषिले यसअघि निर्देशन गरेको फिल्म ‘किस्मत २’ सन् २०१६ मा प्रदर्शन भएको थियो । उनले ‘हवलदार सुन्तली’, ‘श्रीमान् श्रीमती’, ‘कहिले मिलन कहिले बिछोड’ लगायतका फिल्म निर्देशन गरिसकेका छन् ।