सुनाखरी न्युज/ काठमाडौं ।

पूर्वभारतीय क्रिकेटर तथा कमेन्टेटर नवजोत सिंह सिद्धु नेटफ्लिक्सको ‘द ग्रेट इन्डियन कपिल शो’मा कमब्याकको तयारीमा छन् ।

यो शोको आगामी एपिसोडमा कपिलले कुनै समय आफूले चलाएको शो ‘द कपिल शर्मा शो’का पूर्व जज समेत रहेका नवजोत सिंह सिद्धुलाई बोलाएका हुन् । आगामी सप्ताहान्तमा प्रसारण गरिने यो शोमा कपिलले आफ्ना दर्शहरूको पुरानो याद ताजा बनाउँदैछन् ।

हालै मात्र शोको नयाँ प्रोमो सार्वजनिक भएको छ । नयाँ प्रोमोमा कपिलले नवजोत सिंह सिद्धुको कमब्याकको मजाक उडाउँदै सुनिल ग्रोवर उनको नक्कल गर्न निपुण भएको बताएका छन् ।