सुनाखरी न्युज/ काठमाडौं ।

दयाहाङ राई, जितु नेपाल, दीया मास्केको शीर्ष भूमिका रहेको फिल्म ‘कार्साङ’को टिजर सार्वजनिक भएको छ । उच्च पहाडी भेगको शेर्पा समुदायलाई चित्रण गरिएको फिल्मले जीवन चलाउन झाँक्रीको परिवारले गरेको संघर्ष पेश गर्छ ।

अभिनेता राई यसमा झाँक्रीको भूमिकामा छन् । अभाव, गरिब र निसन्तानपनले दिएको सास्तीले दाम्पत्य र सामाजिक जीवनमा आइलाग्ने अवरोधको कथा यसमा छ । यसअघि लिम्बु, राई र मगर समुदायका पात्रको रोल निर्वाह गरेका दयाहाङले यसमा शेर्पाको भूमिकामा अभिनय गरेका छन् ।

फिल्ममा सिर्जना निङलेखु, बुद्धि तामाङ, सृष्टि गौतम, डोमा ह्योल्मो, प्रेम लोप्चन, सुरवीर पण्डित, कविता आले, कर्मा शेर्पा, छोकी शेर्पा, सभ्य दीप गौतम, बिमल पुरी, दिलीप पन्त, छिरिङ शेर्पा, पवन कुमार गोले, अमृत शेर्पाको पनि अभिनय छ । बाल कलाकारमा राशी लिम्बु, सोहन थापा छन् ।‘कार्साङ’ पुस २६ गते पदर्शन तयारीमा छ ।