सुनाखरी न्युज/ काठमाडौं ।

कैलालीमा वडाध्यक्षको निधन भएको छ । जिल्लाको मोहन्याल गाउँपालिका वडा नम्बर ३ का वडाध्यक्ष नन्दाराम गिरी ‘नवीन’ को निधन भएको हो । मुखको क्यान्सरबाट पीडित ४१ वर्षीय गिरीले लामो नेपाल र भारतका विभिन्न अस्पतालमा उपचार गराएका थिए । अन्तिम पटक काठमाडौंमा उपचार गराएर घरमै आराम गरिरहेका गिरी बिहीबार अस्पताल भर्ना भएका थिए ।

उनी एउटै वडामा दुई पटक निर्वाचित भएका थिए । २०७४ र २०७९ सालमा भएको स्थानीय तहको निर्वाचनमा गिरी नेपाली कांग्रेसबाट वडाध्यक्षमा निर्वाचित भएका हुन् । लोकप्रिय गिरी कांग्रेस जिल्ला सदस्य पनि हुन् ।

स्वर्गीय गिरीको अन्तिम संस्कार आजै उनको गाउँ फलेविसौना हुने उपाध्यक्ष साउदले जानकारी दिए । गिरीका दुई छोरा एक छोरी छन् ।