सुनाखरी न्युज/ काठमाडौं ।

ललितपुर, महालक्ष्मी नगरपालिका-४ अन्सारी चोकबाट नियन्त्रित लागूऔषध ट्रामाडोल २ सय ट्याब्लेट र गाँजा ७० ग्राम सहित काभ्रे घर भई ललितपुर पुल्चोक बस्ने ३० वर्षीय निर्मल तामाङ समेत ४ जनालाई शनिबार दिउँसो प्रहरीले पक्राउ गरेको छ । प्रहरी प्रभाग इमाडोलबाट खटिएको प्रहरीले उनीहरूलाई उक्त लागूऔषध सहित पक्राउ गरेको हो ।

मकवानपुर, हेटौंडा उपमहानगरपालिका(१० बुद्धचोकबाट नियन्त्रित लागूऔषध ट्रामाडोल २३ ट्याब्लेट र फेनारगन २३ एम्पुल सहित मकवानपुरगढी गाउँपालिका(२ फुलबारी बस्ने ४३ वर्षीय साकार दाहाललाई शनिबार दिउँसो प्रहरीले पक्राउ गरेको छ । जिल्ला प्रहरी कार्यालय मकवानपुरबाट खटिएको प्रहरीले उनलाई उक्त लागूऔषध सहित पक्राउ गरेको हो । कञ्चनपुर, भिमदत्त नगरपालिका(४ महेन्द्रनगर बजारबाट अवैध लागूऔषध खैरो हेरोइन जस्तो देखिने पदार्थ ११ ग्राम ८ सय ३० मिलिग्राम सहित २ जनालाई शनिबार दिउँसो प्रहरीले पक्राउ गरेको छ । पक्राउ पर्नेहरूमा भारत उत्तराखण्ड उधमसिंहनगर खटिमा बस्ने २७ वर्षीय सलमान शाह र २४ वर्षीय प्रभजोत सिंह खिंडा रहेका छन् ।

जिल्ला प्रहरी कार्यालय कञ्चनपुर र लागूऔषध नियन्त्रण ब्यूरो शाखा महेन्द्रनगरबाट खटिएको प्रहरीले युपि ०६ बिडि ८८०२ नम्बरको मोटरसाइकलमा सवार उनीहरूलाई उक्त पदार्थ सहित पक्राउ गरेको हो । बर्दिया, बढैयाताल गाउँपालिका(६ रानीपुरबाट अवैध लागूऔषध ब्राउनसुगर जस्तो देखिने पदार्थ १ ग्राम ८ सय २० मिलिग्राम सहित २ जनालाई शनिबार दिउँसो प्रहरीले पक्राउ गरेको छ । पक्राउ पर्नेहरूमा बाँके कोहलपुर नगरपालिका(७ जोगीपुर बस्ने १९ वर्षीय बसन्त परियार र डुडुवा गाउँपालिका(५ डलैपुर बस्ने १९ वर्षीय शिसिर सुनार रहेका छन् । इलाका प्रहरी कार्यालय मैनापोखरबाट खटिएको प्रहरीले भारतबाट नेपालतर्फ पैदल आउँदै गरेका उनीहरूलाई उक्त पदार्थ सहित पक्राउ गरेको हो ।

सुनसरी, इटहरी उपमहानगरपालिका(५ जनताबस्ती टोलबाट अवैध लागूऔषध ब्राउनसुगर जस्तो देखिने पदार्थ करिब २५ मिलिग्राम सहित मोरङ बेलबारी नगरपालिका(६ बस्ने २० वर्षीय बामदेव दर्नाललाई शनिबार राति प्रहरीले पक्राउ गरेको छ । अस्थायी प्रहरी चौकी जनताबस्तीबाट खटिएको प्रहरीले मे।१ प ४३१६ नम्बरको मोटरसाइकलमा सवार उनलाई उक्त पदार्थ सहित पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।