सुनाखरी न्युज/ काठमाडौं ।

अभिनेत्री नन्दिता केसी आमा बनेकी छन् । उनले पहिलो सन्तानको रुपमा बुधबार छोरालाई जन्म दिएकी हुन् । जसको जानकारी उनले सामाजिक सञ्जालमार्फत दिएकी छन् ।

गत वर्ष डा.अरविन्द्र कटवालसँग विवाह बन्धनमा बाँधिएकी उनलाई अभिनेत्री श्वेता खड्का, यूना उप्रेती, उषा पौडेल लगायतका कलाकारहरुले बधाई दिएका छन् ।

लामो समयदेखि अमेरिकामा बस्दै आइरहेकी नन्दिताले गत भदौमा बेबी बम्पसहितको तस्बिर सार्वजनिक गर्दै आफू आमा बन्न लागेको जानकारी गराएकी थिइन् ।उनको विवाह गत वर्ष फागुन १९ गते काठमाडौँमा भएको थियो ।