सुनाखरी न्युज/ काठमाडौं ।

फिल्म ‘होस्टेल’को तेस्रो श्रृंखलाको नयाँ प्रदर्शन मिति घोषणा भएको छ । निर्माताले शुक्रबार पोस्टर सार्वजनिक गर्दै २३ फागुनमा फिल्म रिलिज हुने जनाएका हुन् ।

उक्त मितिमा नेपालसहित विदेशमा समेत फिल्म रिलिज हुने निर्देशक सशान कँडेल ‘सन्तोष’ले जानकारी दिए । पोस्टरमा प्रमुख चार पात्रलाई चित्रण गरिएको छ, जसमा आशिष घिमिरे, पारस बम ‘कुल ब्वाय’, रिहान गिरी र पदम तामाङ छन् ।

आशिष चर्चित अभिनेता केदार घिमिरे ‘माग्ने बूढा’का छोरा हुन् । उनी यो फिल्मबाट डेब्यु गर्दैछन् । पारस बम सामाजिक सञ्जालका चर्चित कन्टेन्ट क्रिएटर हुन् ।

रिहान गायक तथा ‘भ्वाइस अफ नेपाल’को सिजन ५ का फाइनलिस्ट हुन् ।फिल्ममा सिम्रन पन्त, हेना नगरकोटी, उमर खान, समा पराजुली, सन्तोष बानियाँ, रोहन श्रेष्ठ, आशिष पुरुष लगायत कलाकारले पनि अभिनय गरेका छन् ।