सुनाखरी न्युज/ काठमाडौं ।

दक्षिण भारतीय अभिनेता अल्लू अर्जुन अभिनीत फिल्म ‘पुष्पा २’ ले बक्स अफिसमा तहल्का मच्चाइरहेको छ।भारतीय सञ्चारमाध्यम पिंकभिलाका अनुसार ‘पुष्पा २’ ले ३२ दिनमा १३५२ करोड भारू कमाएको छ।

‘पुष्पा २’ भारतमा सबैभन्दा धेरै कमाउने फिल्म बनेको छ। यसले ‘बाहुबली २’ लाई पछि पार्दै उक्त रेकर्ड राखेको हो। ‘बाहुबली २’ ले भारतमा १३४७ करोड भारू कमाएको थियो।

सुकुमार बान्द्रेडीको लेखन तथा निर्देशन रहेको फिल्ममा अल्लु अर्जुनसहित रश्मिका मन्दना, फरद फासिल, जगपति बाबु, धनुञ्जय, राव रमेश, सुनील लगायतको अभिनय छ।