सुनाखरी न्युज/ काठमाडौं ।

सांगीतिक रियालिटी शो ‘भ्वाइस अफ नेपाल’ सिजन ६ को प्रसारण मिति घोषणा भएको छ । ४ माघ देखि यो कार्यक्रम हिमालय टिभीमा प्रसारण हुनेछ ।

हिमालय टिभीमा शुक्रबार र शनिबार राति ८ बजे भ्वाइस अफ नेपालको युट्युब च्यानलमा साढे ८ बजे कार्यक्रम आउनेछ । छैटौं सिजनमा पनि ब्लाइन्ड, ब्याटल, नकआउट र लाइभ राउण्ड हुनेछन् । ब्लाइण्ड अडिसनमा ६१ जनाले प्रतिस्पर्धा गर्नेछन् ।६१ जनाको ब्लाइन्ड अडिसन लिंदा २५ जनाले चारै कोचको कुर्सी घुमाउन सफल भएको खबर पहिल्यै आइसकेको छ ।

लोकदोहोरीलाई समावेशी तुल्याउन यसपटक चर्चित लोकदोहोरी गायक खेम सेन्चुरी कोचको रुपमा छन् । सेन्चुरीका साथै यसपटक राजु लामा, उदय सोताङ र मेलिना राई कोचको रुपमा छन् ।