सुनाखरी न्युज/ काठमाडौं ।

गत साता २१.३४ अंकले गिरावट आएको सेयर बजार परिसूचक (नेप्से) यो साता उच्च अंकले वृद्धि भएको छ । हप्तामा कारोबार भएको चारै दिन नेप्से परिसूचकमा वृद्धि भएको छ ।नेपाल राष्ट्र बैंकले मौद्रिक नीतिको दोस्रो समीक्षा ल्याउने चर्चाले सेयर बजारमा सकारात्मक प्रभाव परेको विश्लेषण गरिएको छ । पछिल्लो वृद्धिसँगै सेयर बजारले पुरानै लयमा फर्कने संकेत समेत गरेको छ । गत साता २१.३४ अंकले घटेर २६७८.४७ अंकको विन्दुमा झरेको नेप्से यो साता ६५.२७ अंकले वृद्धि भएर २७४३.७४ अंकमा पुगेको हो । अघिल्लो साता नेप्से ४२.०४ अंक बढेर २६९९.८१ विन्दुमा पुगेको थियो ।

यो साताको चार कारोबारमा चारै दिन नेप्से परिसूचकमा वृद्धि भएको छ ।यसरी पछिल्लो सातामा नेप्सेमा उत्साह नै देखिएको छ । बुधवार ८ अर्ब ७२ करोडको कारोबार भएको थियो भने बिहीबार घटेर ७ अर्ब ९२ करोड १३ लाख रुपैयाँ बराबरको कारोबार भएको थियो । गत साता नेप्से परिसूचक साढे १ प्रतिशत बढेर बन्द भएको थियो । अघिल्लो साता २६५७.७७ विन्दुमा बन्द भएको नेप्से, गत साता १.५८ प्रतिशत अर्थात् ४२.०४ अंक बढेर २६९९.८१ विन्दुमा पुगेको छ । साताको तेस्रो दिन मंगलबार बजार परिसूचक ११.९२ अंकले बढेर २७३९.८२ अंकमा पुगेको थियो । बुधबार भने सार्वजनिक बिदाको कारण नेप्से कारोबार बन्द भएको थियो । साताको अन्तिम कारोबारको दिन पनि नेप्से सामान्य अंकले बढेर कारोबार बन्द भएको छ । । बिहीबार ३.१४ अंकले वृद्धि भएर २७४३.७४ बिन्दु कायम भएको छ ।

कारोबारमा रकममा उतारचढाव

यो साता कारोबार रकममा पनि उतारचढाव देखिएको छ । दुई दिनको कारोबारमा १०÷१० अर्बको कारोबार भएको छ भने बाँकी दुई कारोबारमा ९ र ८ अर्बको कारोबार भएको छ । साताको पहिलो कारोबारको दिन आइतबार कारोबारमा आएको ३०९ कम्पनीको २ करोड ९ लाख ९४ हजार कित्ता सेयर ९ अर्ब ४७ करोड ३ लाख ८ हजार रुपैयाँ बराबरको खरिदबिक्री भएको छ । सोमवार कारोबारमा आएका ३०२ कम्पनीको १ करोड ८० लाख ८१ हजार कित्ता सेयर १० अर्ब ४ करोड ९६ लाख ५४ हजार रुपैयाँ बराबरको खरिदबिक्री भएको थियो । सोमवार नेप्सेसँगै कारोबार रकम पनि करिब १ अर्ब बढीले बढेको थियो । मंगलबार पनि नेप्से परिसूचक बढेसँगै कारोबार रकम समेत बढेको थियो । मंगलाबारको कारोबारमा पनि १० अर्ब ४३ करोड रुपैयाँ बराबरको सेयर कारोबार भएको थियो । साताको अन्तिम कारोबारको दिन भनेर सामान्य अंकले वृद्धि भएको नेप्सेसँगै कारोबार रकम पनि ८ अर्ब मात्रै भएको छ । बिहीबार कारोबारमा आएका ३०९ कम्पनीको १ करोड ५६ लाख ३७ हजार ६ कित्ता सेयर ८ अर्ब ६२ करोड ७६ लाख ८७ हजार ५९९ रुपैयाँको सेयर कारोबार भएको थियो ।

लगानीकर्ता लघुवित्तमा हाबी

साताको चार कारोबारमा सबैभन्दा बढी सकारात्मक सर्किट हान्ने प्रायः सबै लघुवित्त कम्पनीहरू रहेका छन् । आइतबार ६ लघुवित्त कम्पनीको सेयर सकारात्मक सर्किट लेभलमा कारोबार भएको थियो । जसमा गुराँस लघुवित्त वित्तीय संस्था, नेपाल फाइनान्स, जानकी फाइनान्स, विन नेपाल लघुवित्त वित्तीय संस्था, गार्डियन माइक्रो लाइफ इन्स्योरेन्सक र पोखरा फाइनान्स रहेका थिए । त्यस्तै सोमवार पनि ६ कम्पनीको सेयर सकारात्मक सर्किट लेभलमा कारोबार भएको थियो । जसमा गुराँस लघुवित्त वित्तीय संस्था, कुथेली बुखरी स्मल हाइड्रोपावर, एक्सेल डेभलपमेन्ट बैंक, विन नेपाल लघुवित्त वित्तीय संस्था, गार्डियन माइक्रो लाइफ इन्स्योरेन्स र दिव्यश्वरी हाइड्रोपावर भए पनि लघुवित्त नै हाबी भएका थिए । त्यस्तै,मंगलवारको कारोबारमा पनि विन नेपाल, गुराँस लघुवित्त, इमर्जिङ नेपाल, गार्डियन माइक्रो इन्स्योरेन्सको सेयर मूल्यमा सकारात्मक सर्किट लागेको थियो । साताको अन्तिम कारोबारको दिन पनि लक्ष्मी लघुवित्त, उपकार लघुवित्त वित्तीय संस्थाका लगानीकर्ताले कमाएका छन् ।

तीन कारोबारमा नेपाल पुनर्बीमा कम्पनीको कारोबार बढी

साताको चार कारोबार मध्ये तीन कारोबारका दिन नेपाल पुनर्बीमा कम्पनीको सेयर कारोबार रकम उच्च भएको थियो । साताको पहिलो कारोबारका दिन बढी कारोबार हुनेमा एनआरएन इन्फ्रास्ट्रक्चर एण्ड डेभलपमेन्ट कम्पनीको ३३ करोड ५४ लाख ७५ हजार रुपैयाँ बराबरको सेयर खरिद बिक्री भएको थियो । पछिल्लो तीन कारोबारमा नेपाल पुनर्बीमा कम्पनीको ३२ करोड ६४ लाख, मंगलवार साढे ५१ करोड भन्दा बढी र बिहीबार ६५ करोड ६६ लाख रुपैयाँ भन्दा बढीको सेयर खरिदबिक्री भएको थियो ।
रासस