सुनाखरी न्युज/ काठमाडौं ।

नेपाल मोंटेसरी ट्रेनिङ सेन्टर (NMTC) ले २५औं वार्षिकोत्सव तथा वार्षिक सम्मेलन भव्य रूपमा प्रिमियर इन्टरनेशनल क्ष्द्य कन्टिन्युम स्कूल मा सम्पन्न गरेको छ। बाल शिक्षाका क्षेत्रका प्रतिष्ठित शिक्षक, नीति निर्माताहरू, र सरोकारवालाहरू एकत्रित भई, एनएमटीसीको योगदानबारे समीक्षा गर्दै नेपालमा मोंटेसरी शिक्षाको भावी मार्गचित्रबारे छलफल गरे। औपचारिक समारोहका क्रममा एनएमटीसीकी निर्देशक श्रीमती पवित्रा लिम्बू ले मुख्य सम्बोधन गर्नुभयो, जसमा संस्थाको २५ वर्षको यात्रा तथा बाल शिक्षामा एनएमटीसीले पुर्याएको प्रभावबारे प्रकाश पार्नुभयो। उहाँले मोंटेसरी शिक्षकहरूको अथक समर्पण र एनएमटीसीलाई नेपालको प्रमुख प्रशिक्षण संस्थाका रूपमा स्थापित गर्न सम्पूर्ण समुदायको भूमिका उल्लेख गर्नुभयो। मोंटेसरी शिक्षाको आधारभूत दर्शनलाई उजागर गर्दै, उहाँले स्वतन्त्र, जिज्ञासु र आत्मविश्वासी बालबालिका तयार पार्ने एनएमटीसीको उद्देश्यलाई पुनः पुष्टि गर्नुभयो। साथै, भविष्यमा प्रशिक्षण कार्यक्रम विस्तार गर्ने, आधुनिक शिक्षण प्रविधि समावेश गर्ने, तथा साझेदारीहरू सुदृढ गर्दै नेपालभर बाल शिक्षाको गुणस्तर सुधार गर्ने एनएमटीसीका लक्ष्यहरू पनि उहाँले प्रस्तुत गर्नुभयो।
कार्यक्रममा प्रधान अतिथि माननीय देव राज घिमिरे को उपस्थितिले विशेष गरिमा थप्यो।

उहाँले एनएमटीसीको नेपालमा मोंटेसरी प्रशिक्षणको अगुवा भूमिका को प्रशंसा गर्दै गुणस्तरीय प्रारम्भिक बाल शिक्षाले राष्ट्रको भविष्य निर्माण गर्न महत्वपूर्ण भूमिका खेल्ने कुरामा जोड दिनुभयो। सेतो गुराँसकी संस्थापक श्रीमती अगाथा पाख्रिन थापा ले पनि मोंटेसरी शिक्षाका आफ्ना अनुभवहरू प्रस्तुत गर्दै सहभागीहरूलाई प्रेरित गर्नुभयो। समारोहमा विभिन्न सम्मान तथा पुरस्कार वितरण गरियो, जसले बाल शिक्षामा उल्लेखनीय योगदान दिएका व्यक्तित्वहरूलाई सम्मानित गर्यो। एनएमटीसी एन्ड्युरिङ एक्सिलेन्सस् लङ्गेस्ट सर्भिस अवार्ड २०२५ ले आजीवन बाल शिक्षामा समर्पित व्यक्तित्वहरूलाई सम्मान गर्यो। एनएमटीसी एलुम्नाई एक्सिलेन्स इन मोंटेसरी एजुकेशन लिडरशिप अवार्ड २०२५ ले संस्थाका पूर्व प्रशिक्षार्थीहरूलाई सम्मान गर्यो, जबकि लाइफटाइम एचिभमेन्ट अवार्ड ले बाल शिक्षाको क्षेत्रमा महत्वपूर्ण योगदान पुर्याएका व्यक्तित्वहरूलाई श्रद्धा व्यक्त गर्यो। कार्यक्रमको आरम्भमा प्रिमियर इन्टरनेशनल क्ष्द्य कन्टिन्युम स्कूलका क्ष्द्यम्ए विद्यालय काउन्सलर तथा मनोवैज्ञानिक श्री कर्णव प्रभाकर द्वारा ून्यूरोडेभलपमेन्टल डिसअर्डर र प्रारम्भिक बाल विकासू विषयमा महत्वपूर्ण सेमिनार प्रस्तुत गरियो। उहाँले अटिज्म स्पेक्ट्रम डिसअर्डर (ASD), ADHD, र भाषागत ढिलाइजस्ता न्यूरोडेभलपमेन्टल समस्याहरूको समयमै पहिचान तथा हस्तक्षेपको आवश्यकता बारे प्रकाश पार्नुभयो।

शिक्षकहरूले विविध आवश्यकताहरू भएका बालबालिकाका लागि समावेशी र सहयोगी सिकाइ वातावरण कसरी निर्माण गर्न सक्छन् भन्ने विषयमा व्यावहारिक अध्ययन प्रस्तुत गर्दै, उहाँले मोंटेसरी(आधारित शिक्षण विधिहरू बालबालिकाको संज्ञानात्मक, सामाजिक, र भावनात्मक विकासका लागि कसरी प्रभावकारी हुन सक्छन् भन्ने स्पष्ट पार्नुभयो। त्यस्तै, स्पिच एन्ड हियरिङ एसोसिएसन अफ नेपालकी उपाध्यक्ष तथा भाषिक(सुनाइ विशेषज्ञ श्रीमती नीलम लामा दाहाल द्वारा  भाषा तथा श्रवण विकासस् महत्वपूर्ण चरणहरू र प्रारम्भिक जोखिम पहिचानू विषयमा अर्को महत्वपूर्ण सत्र प्रस्तुत गरियो। उहाँले बाल्यकालको भाषिक विकासका महत्वपूर्ण चरणहरू तथा भाषा वा सुनाइसम्बन्धी समस्या देखाउने संकेतहरू बारे छलफल गर्नुभयो। साथै, स्पिच थेरापी विधिहरू, अभिभावकहरूको भूमिका, र शिक्षण पद्धतिहरूमा प्रारम्भिक हस्तक्षेपको प्रभावकारिता सम्बन्धी महत्वपूर्ण जानकारी प्रस्तुत गर्नुभयो। उहाँको सत्रले बाल्यकालमै सही हस्तक्षेप गरिएमा दीर्घकालीन भाषिक तथा सञ्चारसम्बन्धी समस्या रोक्न सकिन्छ भन्ने महत्त्वलाई पुष्टि गर्यो। समारोहको अन्त्यमा अन्तरक्रियात्मक छलफल र नेटवर्किङ सत्र आयोजना गरियो, जसले शिक्षक, प्रशिक्षक, र अन्य सरोकारवालाहरूलाई नवीनतम विचार आदानप्रदान गर्ने र सहकार्यको अवसरहरू खोज्ने अवसर प्रदान गर्यो। २५ वर्षदेखि बाल शिक्षामा अतुलनीय योगदान दिँदै आएको एनएमटीसी ले मोंटेसरी सिद्धान्तहरूलाई अझ सशक्त रूपमा अघि बढाउने प्रतिबद्धता व्यक्त गर्यो, जसले भविष्यका बालबालिकाहरूका लागि उज्ज्वल शिक्षा प्रणाली निर्माण गर्ने मार्ग प्रशस्त गर्नेछ।