सुनाखरी न्युज/ काठमाडौं ।
राजस्थानको झालावाड जिल्लाको बकानी शहरबाट शुक्रबार एउटा हृदयविदारक घटना बाहिर आएको छ । यहाँ एक विवाहित महिलाले आफ्नो श्रीमानको जिब्रो टोकेर चुँडाइदिएकी छिन्।हाल घाइते श्रीमानको झालावाडको श्री राजेन्द्र पब्लिक अस्पतालमा उपचार भइरहेको छ। दुवै जनाको विवाह डेढ महिना अघि मात्र भएको थियो र झगडाको क्रममा श्रीमतीले यो अपराध गरिन्।

रवीना आफ्ना आमाबाबुको घर गएकी थिइन्। शुक्रबार नै उनको बुबाले उनलाई बकानीमा रहेको उनको घरमा छोडेर गएका थिए। माइतीबाट फर्किएकै दिन राति अबेरसम्म श्रीमान श्रीमतीबीच कुनै कुरालाई लिएर झगडा भएको बताइएको छ। त्यसपछि रविनाले आफ्नो श्रीमानको जिब्रो टोकिन्।

घटनापछि रविनाले कोठामा ताला लगाएर आत्महत्या गर्ने प्रयास गरेको परिवारका सदस्यहरूले बताएका छन्। तर पछि परिवारका सदस्यहरूले फकाएपछि उनले आफ्नो निर्णय परिवर्तन गरिन् र कोठाको ढोका खोलिन् । यस विषयमा प्रहरी पनि प्रवेश गरेको छ। यद्यपि, अहिलेसम्म कुनै मुद्दा दर्ता भएको छैन।