सुनाखरी न्युज / काठमाडौं ।

पियोर इनर्जी कम्पनीले सर्वसाधारणका लागि साधारण सेयर ( आईपीओ)  निष्कासन गर्ने भएको छ । यस निष्काशनमा २०८२ वैशाख २ गतेसम्म आवेदन दिन सकिने कम्पनीले जनाएको छ ।

न्युनतम १० कित्ता र अधिकतम १ लाख कित्ताको लागि आवेदन दिन सकिने छ। जसमध्ये १ लाख ६० हजार कित्ता आयोजना प्रभावित स्थानीयका लागि र १ लाख ४४ हजार कित्ता वैदेशिक रोजगारीमा रहेका नेपालीहरूलाई पहिलो चरणमा बाँडफाँड गरिसकेको छ।

पहिलो चरणको आईपीओ बाँडफाँडपछि रहेको १२ लाख ९६ हजार कित्तामध्ये ७२ हजार कित्ता सामूहिक लगानी कोषको लागि र २८ हजार ८०० कित्ता कम्पनीका कर्मचारीका लागि सुरक्षित गरी बाँकी रहेको ११ लाख ९५ हजार २०० कित्ता सर्वसाधारणलाई निष्कासन गर्न लागेको हो।पियोर इनर्जी गोल्यान ग्रुप अन्तर्गतको सोलार कम्पनी हो ।

कम्पनीले बाँकेमा १० मेगावाटको दुई वटा सोलार आयोजना संचालन गरिरहेको छ। दुवै आयोजनाले २०८० सालदेखि नै ब्यापारिक उत्पादन गरिरहेका छन् । २० मेगावाट क्षमता सहित पियोर इनर्जी हालसम्म सबैभन्दा धेरै सौर्य उर्जा उत्पादन गर्ने कम्पनी हो ।