२०८१ चैत्र २० , बिहिवार

भाटभटेनी तोडफोड र लुटपाटमा ८० लाख बढीको क्षति 

bhatbhateni (1)

सुनाखरी न्युज / काठमाडौं ।

शुक्रबार काठमाडौंको कोटेश्वरस्थित भाटभटेनी सुपरमार्केट्समा भएको तोडाफोडमा ८० लाख बढीको क्षति भएको हो । भाटभटेनीका सीओओ पानु पौडेलका अनुसार ६४ लाख ८८ हजार ३३७ रुपैयाँ बराबरको सामग्री लुटपाट भएको छ ।राजावादी समूहको तीनकुने प्रदर्शनले उग्र रूप लिएपछि प्रदर्शनकारीहरूले सुपर मार्केटमा प्रवेश गरी तोडफोड र लुटपाट मच्चाएका थिए । घटनाबाट करिब ८० लाख रुपैयाँभन्दा बढीको नोक्सानी भएको अनुमान गरिएको छ ।

त्यसैगरी भाटभटेनीका बाहिरी भागमा रहेका धेरैजसो सिसा फुटेका छन् । भवनमा क्षति पुगेको छ । त्यसबापत ११ लाख ८५ हजार ८५५ रुपैयाँको क्षति भएको प्रारम्भिक अनुमान छ । त्यसैगरी भाटभटेनी भवनको बाहिरी भागका धेरैजसो सिसा फुटेका छन्। भवनमा क्षति पुगेको छ। त्यसबापत ११ लाख ८५ हजार ८५५ रुपैयाँको क्षति भएको प्रारम्भिक अनुमान छ। त्यसैगरी दुई लाख ६५ हजार रुपैयाँका सो–केस तथा अन्य सामग्रीमा क्षति पुगेको छ। काउन्टरमा रहेका ९४ हजार रुपैयाँ पनि लुटपाट गरिएको सीओओ पौडेलको भनाइ छ। आज भाटभटेनीमा लुटपाट गर्ने समूहका ९ जनालाई प्रहरीले पक्राउ गरेको छ।