सुनाखरी न्युज/ जनकपुरधाम ।

प्रधानमन्त्री केपी शर्मा ओलीले मधेश प्रदेशसभामा आज  सम्वोधन गर्ने भएका छन् । सम्वोधनका लागि प्रदेशसभा सचिवालयले आज दिउँसो १ बजे बैठक आह्वान गरेको छ ।
बैठकमा अनिवार्य सहभागिताको लागि प्रदेश सांसदहरुलाई सूचना जारी गरिएको सभामुख रामचन्द्र मण्डलले जानकारी दिए ।

प्रदेशसभाको सम्बोधनपछि ओली सिरहामा हुने आम सभालाई सम्वोधन गर्न प्रस्थान गर्ने कार्यक्रम छ ।

प्रधानमन्त्रीको सचिवालयका अनुसार सिरहा सदरमुकाममा हेमनारायण यादवको शालिकमा माल्यार्पण गरिसकेपछि सूर्यनारायण सत्यनारायण मोरवैता क्याम्पसमा आयोजित सभालाई ओलीले सम्बोधन गर्ने कार्यक्रम छ ।