सुनाखरी न्युज/ काठमाडौं –

अष्ट्रेलियामा स्यालले मात्र प्रत्येक वर्ष ३० करोड जनावर मार्ने गरेको एक अनुसन्धानले देखाएको छ । अष्ट्रेलियाका प्राध्यापक तथा अनुसन्धानकर्ताहरूको उक्त अनुसन्धानले स्यालले ३० करोड स्तनधारी जनावर‚ चरा‚ र सरीसृपहरू मार्ने गरेको पत्ता लगाएका हुन् ।

 

त्यस्तै‚अष्ट्रेलियामा स्याल र बिरालाहरूले सामूहिक रूपमा प्रत्येक वर्ष २.६ अर्व स्तनपायी‚ चराहरू र सरीसृपहरूलाई मार्ने गरेका छन् । अष्ट्रेलियाको जैविक विविधतामा ठूलो गिरावट आउनुको एउटा प्रमुख कारण यो विशाल मृत्युको संख्या हो। उदाहरणका लागि‚ बिरालो र स्यालहरूले अष्ट्रेलियाको ३९ ओटा स्तनपायी विलुप्त हुनमा ठूलो भूमिका खेलेका छन् । उक्त अध्ययनले अष्ट्रेलियामा १७ लाख स्यालहरू रहेको अनुमान गरेको छ ।

 

मुख्य भूमिको ८० प्रतिशत र ५० अस्ट्रेलियाली टापुहरूमा फैलिएको छ। उनीहरु उष्णकटिबंधीय उत्तरी अष्ट्रेलिया र तास्मानियामा चाहिँ खासै रहेका छैनन् । अष्ट्रेलियाले वन्यजन्तु भविष्यमा हुने लोप हुनबाट जोगाउन दुवै जनावर स्याल र बिरालोको व्यवस्थापनलाई तीव्र रूपमा मापन गर्नु पर्ने बताएका छन् । भिक्टोरियन सरकारले मेलबर्नमा प्रति वर्ग किलोमिटर १६ वटा स्याल रहेको अनुमान गरेको छ। स्यालहरूले प्रत्येक वर्ष ८.८ करोड सरीसृपहरू मार्छन् ।

 

तिनीहरूले १०८ ओटा विभिन्न प्रजातिहरूलाई मार्ने गरेको रेकर्ड गरिएको छ स्यालहरूले प्रत्येक वर्ष ११.१ करोड चराहरूलाई मार्छन् ।  यी मध्ये मध्ये ९३ प्रतिशत स्थानीय चराहरू हुन् । स्वदेशी हुन्। तिनीहरूले १२८ प्रजातिका चराहरूलाई मार्ने गरेका छन् । यो अष्ट्रेलियामा पाइने चराको प्रजातिको १८ प्रतिशत हो ।यसरी मारिनेमा माली–फाउल र सानो पेन्गुइन जस्ता चराहरू रहेका छन् । त्यस्तै‚ स्यालले प्रत्येक वर्ष ३६.८ करोड स्तनधारी जनावर मार्ने गरेको छ ।

 

यसरी मारिनेमा मनकार (ग्रेटर बिल्बी)‚ क्वेन्डा (साउदन ब्राउन ब्यान्डिकुट) र वारु लगायतका ११४ प्रजातिका जनावरहरू रहेका छन् । यो बाहेक स्यालले प्रत्येक वर्ष २५.९ करोड मुसा र खरायो जस्ता आक्रमण नगर्ने जनावरहरू मार्ने गरेको छ । । यो बाहेक तिनीहरूले भेडा‚ सुँगुर र कुखुरा जस्ता पशुहरू पनि मार्छन्। प्रत्येक दिन अष्ट्रेलियामा १९ लाख सरीसृप‚ १४ लाख चराहरू र ३९ लाख स्तनपायीहरू मार्ने गरेका छन् ।

-एजेन्सीको सहयोगमा