सुनाखरी न्युज/ काठमाडौं –

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर २७ जनामा कोरोना भाईरस संक्रमण पुष्टि भएको छ ।

१ हजार ६ सय ५४ पीसीआर परीक्षणमा २२ जना र ३ हजार ९३ एन्टिजेन परीक्षणमा पाँच जना गरी जम्मा २७ जनामा कोरोना संक्रमण पुष्टि भएको स्वास्थ्य मन्त्रालयले जनाएको हो ।

कोरोना संक्रमणबाट पछिल्लो २४ घण्टामा कसैको मृत्यु भएको छैन भने उक्त अवधिमा २२० जना कोरोना संक्रमणमुक्त रहेको छ । हाल देशभर कोरोना भाइरसको सक्रिय संक्रमितको संख्या ४ हजार ३ सय ७६ रहेको छ ।