सुनाखरी न्युज/ चितवन ।

इनारमा डुबेर एक बृद्धाको मृत्यु भएको छ । माडी नगरपालिका–७ कीर्तनपुर प्रगतिटोल निवासी ७४ वर्षीया सुकमायाँ रानाभाटको इनारमा डुबेर मृत्यु भएको हो ।

जिल्ला प्रहरी कार्यालयका अनुसार आज बिहान घरबाट निस्किएकी रानाभाट अबेरसम्म घर नपुगेपछि उनको खोजी भएको थियो । घर नजिकैको इनारबाहिर चप्पल तथा लौरो भेटिएको र वृद्धा डुबेको अवस्थामा भेटिएको प्रहरीले जनाएको छ । बृद्धाको शव परीक्षणका लागि भरतपुर अस्पतालमा ल्याइएको हो ।

यस  घटनाबारे थप अनुसन्धान भइरहेको प्रहरीले जनाएको छ ।