सुनाखरी न्युज/ काठमाडौं –

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर थप २३ जनामा कोरोना भाइरस संक्रमण पुष्टि भएको छ भने उक्त अवधिमा कसैको पनि मृत्यु नभएको स्वास्थ्य मन्त्रालयले जनाएको हो ।

५ हजार ८ सय ४७ जनाको पीसीआर परीक्षणमा २३ जना र १ हजार ६२ जनाको एन्टीजेन परीक्षणमा ० जना गरी २३ जनामा कोरोना संक्रमण पुष्टि भएको हो ।

पछिल्लो २४ घण्टामा कोरोना भाइरसबाट ६६ जना निको भएका छन् भने हाल देशभर जम्मा ८ सय ९९ जना सक्रिय संक्रमित रहेका छन् । जसमध्‍ये ८ सय ५८ जना होम आइसोलेसनमा रहेका छन् भने ४१ जना संस्थागत आइसोलेसनमा रहेका छन् ।

त्यस्तै, आइतबार थपिएसँगै नेपालमा कोरोना संक्रमितको कुल संख्या ११ लाख १८ हजार ६ सय १५ पुगेको छ । योसँगै नेपालमा कोरोनाका कारण मृत्यु हुनेको सङ्ख्या ११ हजार ९ सय ५१ पुगेको छ भने ९ लाख ६५ हजार ६ सय २५ जना संक्रमणमुक्त भएका छन् ।