सुनाखरी न्युज/ काठमाडौं –

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर थप ३३ जनामा कोरोना भाइरस संक्रमण पुष्टि भएको छ भने उक्त अबधिमा कसैको पनि मृत्यु नभएको मन्त्रालयले जानकारी दिएको हो ।

 

२ हजार ९ सय ४२ जनाको पीसीआर परीक्षण गर्दामा ३२ जना र २ हजार १ सय १७ जनाको एन्टीजेन परीक्षण गर्दा १ जना गरी ३३ जनामा संक्रमण पुष्टि भएको हो । त्यस्तै, पछिल्लो २४ घण्टामा कोरोना भाइरसबाट ८९ जना निको भएका छन् भने हाल देशभर जम्मा ८ सय ४२ जना सक्रिय संक्रमित रहेका छन् । जसमध्‍ये ८ सय ६ जना होम आइसोलेसनमा रहेका छन् भने ३६ जना संस्थागत आइसोलेसनमा रहेका छन् ।

 

 

सोमबार थपिएसँगै नेपालमा कोरोना संक्रमितको कुल संख्या ११ लाख १८ हजार ६ सय ४८ पुगेको छ । योसँगै नेपालमा कोरोनाका कारण मृत्‍यु हुनेको संख्या ११ हजार ९ सय ५१ पुगेको छ भने ९ लाख ६५ हजार ७ सय १४ जना संक्रमणमुक्त भएका छन् ।