सुनाखरी न्युज/ काठमाडौं । नववर्ष २०७९ को अवसरमा वैशाख ३ गते काठमाडौंको दरवारमार्गमा आयोजना हुने १५ औं दरबारमार्ग महोत्सवको सम्पूर्ण तयारी पूरा भएको छ ।

कोभिड–१९ ले थलिएको लघु, घरेलु, साना तथा मझौला उद्यम एवं पर्यटन उद्योग पुनरूत्थानका लागि सहकार्यः ‘स्थानीय उत्पादन तथा आन्तरिक पर्यटन प्रवर्द्धन’ भन्ने मूल नारासहित महोत्सव आयोजना हुन लागेको हो । महोत्सव नेपाल उद्योग वाणिज्य महासंघ, महासंघको सदस्य रेष्टुरेन्ट एण्ड बार एशोसिएशन नेपाल (रेबान) र दरवारमार्ग विकास बोर्डका साथै एनसेलको सहकार्यमा आयोजना हुन लागेको हो ।

आन्तरिक पर्यटनलाई प्रवर्द्धन गरी देशको पर्यटन विकासमा टेवा पु¥याउने र नेपाली उत्पादन, नेपाली परिकार र नेपाली संस्कृतिको प्रवर्द्धन गर्ने महोत्सवको मुल उद्देश्य रहेको छ । महोत्सवमा विभिन्न कलाकारको प्रस्तुतिका साथै विभिन्न हस्तकलाका सामाग्रीको प्रर्दशनी हुने पनि महासंघले जनाएको छ ।