सुनाखरी न्युज/ काठमाडौं –

नेपाली बजारमा सुनको मूल्य आज बढेको छ । हिजो सुनको मूल्य प्रतितोला एक लाख एक हजार ५ सयमा कारोबार भएकोमा आज तोलामा ५ सयले बढेको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा एक लाख दुई हजार रुपैयाँ रहेको छ भने तेजावी सुनको मूल्य प्रतितोला एक लाख एक हजार ५ सय रुपैयाँ पुगेको छ ।

त्यस्तै, आज चाँदीको मूल्य पनि बढेको छ । हिजो चाँदीको मूल्य प्रतितोला १४ सय रुपैयाँमा कारोबार भएकोमा आज बढेर प्रतितोला १४ सय ४५ रुपैयाँ पुगेको महासंघले जनाएको छ ।