सुनाखरी न्युज/ काठमाडौं । शहरी विकास मन्त्री रामकुमारी झाक्रीले नेपालको पूर्वाधार विकासमा भारतको ठूलो सहयोग आवश्यक रहेको बताउनुु भएको छ ।

 

पूर्वाधार विकासमा नेपाल अहिले पनि पछाडि रहेकाले पछिल्ला वर्षहरुमा भारतले आधुनिक प्रविधि सहितको सडक, टनेल, पूल, शहरी एवं यातायात पूूर्वाधारमा गरेको प्रगति हाम्रा लागि पनि अनुकरणीय हुनेमा उहांको जोड थियो । निर्माण उपकरण उद्योगको दक्षिण एसियाकै सबैभन्दा ठूलो कार्यक्रम एक्सकोन को पूर्वावलोकन  कार्यक्रमलाई बुुधवार काठमाडौंमा संवोधन गर्नुहुूदै मन्त्री झाक्रीले एक्सकोनमा नेपालको सहभागिता महत्वपूर्ण हुने बताउनुु भयो । नेपाल उद्योग वाणिज्य महासंघ र नेपाल निर्माण व्यवसायी महासंघको सहकार्यमा भारतीय उद्योग परिसंघ  ले सो कार्यक्रमको आयोजना गरेको हो ।

 

नेपालमा पूर्वाधारमा लगानीको ठूलो अवसर छ, प्रदर्शनीको माध्यममार्फत नेपालको पूर्वाधार विकासमा प्रविधि, लगानी आकर्षणका लागि सहयोग गर्न पनि मन्त्रीले आग्रह गर्नुभयो । भारतले आफ्नो विकासका साथै नेपालको विकासपनि सहयोग गर्नुपर्नेमा उहांको सुुझाव थियो ।
एक्सकोन, भारतीय उद्योग परिसंघद्वारा आयोजित दक्षिण एशियाको सबैभन्दा ठूलो निर्माण उपकरण र निर्माण प्रविधि व्यापार मेला हो र यसको ११ औं संस्करण भारतको बैंगलोर अन्तर्राष्ट्रिय प्रदर्शनी केन्द्र, बैंगलोरमा आगामी जेठ ३ देखि ७ गते ९ज्ञठ(द्दज्ञ, ःबथ, द्दण्द्दद्द० सम्म आयोजना हुंदैछ । सोही प्रदर्शनीका वारेमा जानकारी सहित नेपाललाई उक्त प्रदर्शनीको निम्तो दिन सो कार्यक्रमको आयोजना गरिएको हो ।

 

कार्यक्रममा महासंघका अध्यक्ष शेखर गोल्छाले एक्सकोनबाट नेपालले पनि फाइदा उठाउने गरी सहकार्य हुनुुपर्नेमा जोड दिंदै नेपाली निजी क्षेत्रले उक्त कार्यक्रममा भाग लिने विश्वास दिलाउनुु भयो । अध्यक्ष गोल्छाले एक्सकोनबाट नेपालले भरपुर फाइदा लिने गरी सहभागी हुने विश्वास दिलाउनुु भयो । अध्यक्ष गोल्छाले भन्नुभयो–भारत नेपालको सबैभन्दा ठूलो व्यापार साझेदार हो । भारतले नेपाललाई तेस्रो मुलुकको व्यापारका लागि पारवहन सुविधा दिएको छ । भारतका सार्वजनिक र निजी दुवै क्षेत्रले नेपालमा लगानी गरेका छन् । अत्यन्त नजिकको छिमेकीको नाताले भारतलाई, नेपालको पूर्वाधार विकासमा अझ बढी सहयोग गर्न आग्रह गर्नुुभयो । भारतीय राजदूूतावासका प्रथम सचिव (राजनीति तथा शिक्षा) प्रियदर्शनी आर. ले नेपालको हरेक विकास प्रयासमा भारतले सहयोग गर्ने बताउंदै एक्सकोन प्रदर्शनीमा परिणामदायीरुपमा सहभागिताका लागि आग्रह गर्नुभयो ।

 

कार्यक्रममा जानकारी दिइए अनुसार एक्सकोन ३ लाख वर्ग मिटर डिस्प्ले क्षेत्रफलमा फैलिनेछ र अमेरिका, बेलायत, फ्रान्स, जर्मनी, इटाली, यूएई, दक्षिण कोरिया, सिंगापुर र श्रीलंका जस्ता देशहरू सहित भारत र विदेशबाट १ हजार भन्दा बढी प्रदर्शकहरूलाई आकर्षित गर्ने अपेक्षा गरिएको छ । ५ दिने प्रदर्शनीमा विश्वभरबाट ४० हजारभन्दा बढी व्यापारिक आगन्तुकहरुले भाग लिनेछन् । कार्यक्रममा एक्सकोनका अन्तराष्ट्रिय प्रचार प्रसार प्रमुख जयदीप शेखरले  ले एक्सकोन एघारौं संस्करण भएको र यस वर्षको विषयवस्तु “नया संसारको लागि भारत निर्माणः प्रतिस्पर्धात्मकता, विकास“ रहेको बताउंदै प्रदर्शनीबाट नेपाललाई पनि लाभ हुनेगरी सहयोग गर्न आफूहरु तयार रहेको बताउनुु भयो ।

 

भारतीय निर्माण उपकरण उत्पादक संघका पूर्व अध्यक्ष अरविन्द के गर्ग ९ऋजबष्चmबल, ऋयलःबअ ल्भउब,ि एबकत एचभकष्मभलत, क्ष्ऋभ्ःब्० ले भन्नुभयो भारतको सबैभन्दा नजिकको छिमेकी भएकोले, भारतबाट निर्माण उपकरणहरू सोर्सिङमा नेपाललाई रणनीतिक फाइदा छ, जसले नेपालका विभिन्न पूर्वाधार आवश्यकताहरूलाई प्रतिस्पर्धी मूल्यमा सस्तो अफरमार्केट सेवाको साथ पूरा गर्न मद्दत गर्ने र यो मेला नेपालका लागि अझ बढी लाभदायक हुने विश्वास दिलाउनुु भयो ।

 

कार्यक्रमको अन्त्यमा धन्यवाद मन्तव्य दिनुहुंदै महासंघका उपाध्यक्ष दिनेश श्रेष्ठले एक्सकोनको पूर्ण सफलताको कामना गर्नुुभयो । एक्सोकन प्रदर्शनीलाई एउटा सहयोगी आर्थिक मन्चको रुपमा उपयोग गर्न नेपाली निजी क्षेत्रले चाहेको बताउंदै यसमा सहयोग गर्न आयोजकहरुलाई आग्रह गर्नुभयो । कार्यक्रममा नेपाल निर्माण व्यवसायी महासंघका अध्यक्ष रवि सिंहले पनि एक्सकोनको सफलताको कामना गर्दै आर्थिक विकासमा सहयोग गर्न आग्रह गर्नुभयो । कार्यक्रममा महासंघका पदाधिकारीहरू, कार्य समिति सदस्यहरु, नेपाली निर्माण व्यवसायीहरू, सरकारी अधिकारीहरू, नेपाल उद्योग वाणिज्य महासंघ र भारतीय उद्योग परिसंघका वरिष्ठ अधिकारीहरूको उपस्थिति थियो ।