सुनाखरी न्युज/ काठमाडौं । सुनचाँदीको मूल्य सोमबार वृद्धि भएको छ । आइतबार स्थीर रहेको पहेँलो धातु सुनको सोमबार मूल्य नेपाली बजारमा आइतबारको तुलनामा २०० रुपैयाँले वृद्धि भएको छ ।

नेपाल सुनचाँदी व्यवसायी महासंघका अनुसार सोमबार २०० रुपैयाँले बढेर छापावाला सुनको भाउ प्रतितोला ९८ हजार २०० रुपैयाँ तथा तेजावी सुनको भाउ ९७ हजार ७०० रुपैयाँ पुगेको छ ।

यस्तै आज चाँदीको भाउ पनि ५ रुपैयाँले बढेर आज सोमबार तोलाको १ हजार २८५ रुपैयाँमा कारोबार भैरहेको छ । आइतबार छापावाल सुन प्रतितोला ९८ हजार रुपैयाँ, तेजावी सुन ९७ हजार ५०० रुपैयाँ र चाँदी तोलाको १ हजार २८० रुपैयाँमा कारोबार भएको थियो ।