सुनाखरी न्युज/ काठमाडौं । नेपालमा विभिन्न ब्राण्डका उच्चस्तरिय ग्याजेट तथा डिभाइसहरु आयात तथा बितरण गर्दै आएको चर्चित कम्पनी हाइफ्युचर नेपाल टेकस्टुडियो ले गंगादेवी चुचोल टोल सुन्दर समिति र रेडक्रस सोसाइटी, बानेश्वरको सहकार्यमा जेठ ४ गते बुद्धनगर, काठमाडौंमा रक्तदान शिविर आयोजना गरेको छ।

रक्तदान शिविरको उद्घाटन गर्दै काठमाडौं महानगरपालिकाकी उपमेयर सुनिता डंगोलले रक्तदानमा सहभागी स्वयंसेवकहरुलाई उत्प्रेरित गरेकी थिईन्। उपमेयर सुनिता डंगोलले गरिबीको रेखामुनि रहेका यस देशका विशाल जनसङ्ख्याको पृष्ठभूमिमा यस्ता शिविरको थप आवश्यकतामा जोड दिँदै हाइफ्युचर र उनका सहयोगीहरूले सामाजिक काममा नम्रतापूर्वक काम गरिरहेकोमा सन्तुष्टि व्यक्त गरिन् । कार्यक्रममा उनले रक्तदाताहरुलाई प्रमाणपत्र समेत बितरण गरिन्।

सो अवसरमा रक्तदाताहरुको सहभागिता उत्साहजनक थियो। उनले उक्त अवसरमा उपस्थित रेडक्रसका चिकित्सक र कर्मचारी तथा इलेक्ट्रोनिक तथा प्रिन्ट मिडियाका कर्मचारीहरुलाई हार्दिक धन्यवाद ज्ञापन गरिन् ।