सुनाखरी न्युज/ काठमाडौं । आइतबार सुनचाँदीको मुल्य बढेको छ । सुनको मुल्य बढेर तोलामा झण्डै एक लाख नजिक पुगेको हो । आज सुनको मुल्य प्रतितोला १५ सय रुपैयाँले बढेको छ भने चाँदीको मुल्य १५ रुपैयाँले बढेको हो ।

नेपाल सुनचाँदी व्यवसायी महासंघका अनुसार आज सुनको मुल्य प्रतितोला छापावाल ९९ हजार दुई सय रुपैयाँ र तेजावी सुनको मुल्य प्रतितोला ९८ हजार सात सय रुपैयाँमा कारोबार भइरहेको छ । आज चाँदीको मुल्य प्रतितोला १५ रुपैयाँले बढेर १२८० रुपैयाँमा कारोबार भइरहेको महासंघले जनाएको छ ।

शुक्रबार छापावाल सुनको मुल्य प्रतितोला ९७ हजार सात सय रुपैयाँ र तेजावी सुनको मुल्य ९७ हजार दुई सय रुपैयाँमा कारेबार भएको थियो । त्यस्तै, चाँदीको मुल्य प्रतितोला १२६५ रुपैयाँमा कारोबार भएको थियो ।