सुनाखरी न्युज/ काठमाडौं –

पाकिस्तानको कराँचीमा रहेको एउटा बाख्राको पाठोले विश्व कीर्तिमान कायम गरेको छ । विश्वको सबैभन्दा लामो कान भएको बाख्राको रुपमा उक्त पाठोले रेकर्ड कायम गरेको हो ।

 

उक्त पाठोका कान अस्वभाविक रुपमा लामा छन् र कानका लोतीको लम्बाई कूल ४६ सेन्टिमिटर छ । उक्त पाठोको नाम सिम्बा हो । सिम्बा हिँडिरहँदा उसका कान भुइँसम्मै लत्रिरहेका हुन्छन् । उक्त पाठो नुबियन नश्लको बाख्रा हो ।

 

उक्त नश्लका बाख्राहरुमा लामो कान हुने गर्दछ । जीव वैज्ञानिकहरुका अनुसार बाख्रामा लामो कान हुनु जैविक रुपले निकै फाइदाजनक हुन्छ । यसले बाख्रालाई गर्मी याममा शरीरलाई शितल राख्न मद्दत गर्दछ । एजेन्सीको सहयोगमा