बैङ्कका शाखा प्रबन्धकहरुसंग अन्तरक्रिया कार्यक्रम सम्पन्न
Posted on:
सुनाखरी न्युज/ पर्वत । पर्वत जिल्ला स्थित बैङ्कका शाखा प्रबन्धकहरुसंग अन्तरक्रिया कार्यक्रम सम्पन्न भएको छ ।
जिल्ला प्रहरी कार्यालय पर्वतको कार्यालयका प्रमुख प्रहरी नायव उपरीक्षक शिवराज बुढाथोकी, प्रहरी निरीक्षक प्रकाश राउत लगायत कुश्मा स्थित रहेका सम्पूर्ण बैङ्कका शाखा प्रवन्धकहरुको उपस्थितीमा बैङ्किङ प्रणाली सुरक्षा लगायतका विभिन्न विषयमा अन्तरक्रिया कार्यक्रम सम्पन्न भएको छ ।
कार्यक्रममा जिल्ला प्रहरी कार्यालय पर्वत र यस जिल्लाभित्र पर्ने बिभिन्न बैङ्कका शाखा प्रबन्धकहरु बीच पछिल्लो समयमा बढ्दै गरेको बैङ्किङ सुरक्षा प्रणालीमा चुनौती, देशका विभिन्न स्थानमा रहेका ATM मेसिनहरुमा भएका तोडफोड लगायतका अपराधिक क्रियाकलापहरु नियन्त्रण गर्ने सम्बन्धमा अन्तरक्रिया तथा छलफल भई विभिन्न बैङ्कहरुमा कार्यरत सुरक्षा गार्डहरुलाई सुरक्षा सतर्कता सम्बन्धमा अनुशिक्षण कार्यक्रम सञ्चालन गरिने सम्बन्धमा समेत छलफल भएको थियो ।
