सुनाखरी न्युज / मकवानपुर । पौडी खेल्ने क्रममा वेपत्ता भएका तीन जनालाई सशस्त्र प्रहरीले मृत अवस्थामा फेला पारेको छ ।

मकवानपुर जिल्लाको हेटौंडा उपमहानगरपालिका ७ स्थित कर्रा खोलामा असोज ७ गते सोही ठाउँ बस्ने १३ बर्षिय संजिव मोक्तान, १७ बर्षिय साहिल लामा र १२ बर्षिय कर्साङ जिम्बा पौडी खेल्ने क्रममा वेपत्ता भएका थिए ।

स्थानीयबाट सो बारे जानकारी पाएपश्चात सशस्त्र प्रहरी बल नेपाल नम्बर १४ गण मकवानपुरबाट खोजी कार्यको लागि सशस्त्र प्रहरी खटिएको थियो । सोही खोलामा तीनै जनाको शव पानीमा डुबिरहेको अवस्थामा सशस्त्र प्रहरीले अन्य सुरक्षा निकाय सहितको संयुक्त प्रयासमा फेला पारेको हो ।