सुनाखरी न्युज/ काठमाडौं । नेकपा (एमाले) ले आज (मंगलबार) आगामी मंसिर ४ गते हुने प्रदेश र प्रतिनिधि सभाको चुनावका लागि घोषणापत्र सार्वजनिक गर्ने भएको छ ।

मंगलबार दिउँसो साढे १ बजे एमाले अध्यक्ष केपी शर्मा ओलीले घोषणापत्र सार्वजनिक गर्ने कार्यक्रम रहेको छ । एमालेले यस पटक पनि ‘समृद्ध नेपाल सुखी नेपाली’ को नारालाई नै निरन्तरता दिने भएको छ । अध्यक्ष ओलीको संयोजकत्वमा घोषणापत्र सुझाव समिति बनाएको थियो । साथै सामाजिक सञ्जाल र टेलिफोन गायतका सञ्चार माध्यमबाट सुझाव समेत संकलन गरिएको थियो ।

सत्तारुढ दलहरु नेपाली कांग्रेस, नेकपा माओवादी केन्द्र, नेकपा एकीकृत समाजवादी र राष्ट्रिय प्रजातन्त्र पार्टीले भने चुनावका लागि घोषणापत्र सार्वजनिक गरिसकेका छन् ।